米炊

营业中

休息中

佢新开咗冇几耐都想嚟试下啦～除咗女嘅侍应系服务几好同埋佢个莲藕系爽脆清甜之外，可以话真系一无是处。叫做一个苹果烧汁煎牛舌饭转烚菜，同埋一个忌廉蘑菇汁牛腰柳蛋包饭。个男侍应送啲菜上嚟开口讲系乜嚟都唔制，就咁放喺中间，要问先讲。苹果烧汁味道合理，煎牛舌烟烟靭靭，忌廉蘑菇汁探热无味，牛腰柳烟烟靭靭。系佢莲藕几好食。其实好地地啲菜帮手煎下佢 烧下佢 炒下佢都好丫系要清水烚咁健康。讲健康我就唔嚟呢间度食啦……其他嘢冇试过，亦都唔会有兴趣再试。三百几蚊埋单，食落同中学年代去旺角cafe一模一样。另外，个男侍应埋单又系无口，几钱唔讲，请你对一对单唔讲，收你啲乜嘢唔讲，好彩仲识讲句多谢。