古琴雅苑 (QRE Plaza)

营业中

休息中

我今日肚泻，皇太后话要食饭，我唔想扫佢庆，顶硬上。今日打电话嚟订位，都即刻订到，都几好彩，因为呢度好旺架。皇太后点菜，我冇睇过菜单有啲咩架，当然要片皮鸭啦。今日星期六，中午时段，唔订位真系要等位，坐无虚席。先上四小拼，青瓜皇太后话太咸，我就觉得ok啵，酸鸡酒味唔多酒味，其余两样都系平平无奇啫。酸辣汤，酸而不辣，辣味好少，因为我好怕食辣，一食少少就出汗，呢锅冇㖞。片皮鸭，皮脆肉嫩多汁，配菜又够新鲜，最重要系块面粉皮真系好薄架，但系我钟意原汁原味，乜都唔加同唔包嘅。职员服务好细心，食净片皮鸭打包，佢再加啲配菜比我地，仲教埋翻热时要注意事项。