外灘拾號 (已結業)

新开的餐厅，有朋友想试，我地就去试下啦！讲真地点都方便，而且好阔落。系有一阵好轻微的霉味， 可能空气唔算好流通。 我地三个人叫左一只片皮鸭百多元，两个菜，生煎包，同埋一个心太软。 生煎包先来，普普通通，肉馅多但较实，底也煎得脆，不过有点烧得焦黑。其实两个菜都ok，几十蚊碟，比一般酒楼贵十元八块，真系有不少金华火腿，小棠菜百页其实几好食。咁点解觉得唔好呢？就系因为个片皮鸭！我都冇心机影，因为所谓一只片皮鸭的分量系平日酒楼的半只，都唔紧要啦，因为只百几蚊…但片皮鸭的皮系缩埋，好明显系系微波炉就咁整热！ 完全唔脆皮， 似烧肉翻炒d皮嘅质地…同街外食的片皮鸭完全唔一样，肉更少，讲真系完全唔ok。甜品心太软系红枣里有年糕，桂花汁做底。未食完正餐就提早送来，先拿回去后等我地食完要上返又等好耐都未蒸热，都几搞野。合计五百几蚊，下次唔会再帮衬，因为依个价钱，荔枝角区好食的中餐多的是。