牛大人台灣火鍋吃到飽 (大鴻輝(荃灣)中心)

营业中

休息中

今日老公早放工，就谂住试吓荃湾牛大人台式火锅，我哋五点准时上到去，劲夸张，订咗位𠮶啲已经入晒去，坐咗一大半位，walk-in 𠮶啲就要等。好彩我哋大约睇咗10分钟就可以入去。叫咗个鸳鸯汤底，一边系麻辣，另一边系酸菜白肉。麻辣汤底够辣，好香花椒八角味，而酸菜白肉一啲白肉都唔错，肉质几林。我哋叫咗中间价钱𠮶只牛肉，对于二百零蚊任食来讲，呢个质素唔错，有牛肉味亦唔鞋口。另外有几样野都几特别，嚟到值得一试。蟹籽墨汁浆其实就好似出边嘅墨鱼滑，不过佢系黑色，同埋有啲蟹籽系中间，口感较特别。干贝鲜鱼浆同上面个墨汁浆有啲似，不过几重鱼味，反而就食唔到干贝味。真味牛肉浆好香牛肉味，食落有啲似牛丸，口感弹牙。鱼香皮蛋豆腐虽然佢个皮蛋干干地，但系佢个酱，再加少少蒜蓉同干葱再配冻豆腐真系好夹！水莲知道系台湾特产所以特登叫一碟试吓，录完之后都好爽脆，但系冇乜味，感觉几得意。私房鸭血佢哋鸭血嘅质地同喺街买一盒盒𠮶啲鸭血差唔多，配麻辣汤底比较夹，放落酸菜汤底𠮶啲食落去嘅感觉有啲怪。牛妈秘制卤大肠大肠录完之后好林，肠入面够多肥膏，而且容易咬唔韧，索晒啲汁啲汁好好味😋买单𠮶阵时会俾你拣甜品，记得要拣仙草冻，凉粉花奶再加