華安餐廳

营业中

休息中

牛头角街坊同附近返工嘅人都会识华安。特别每到午餐时间，餐厅就会坐满人。餐厅地方比较隔涉，如果唔系去开附近应该唔会为意呢间茶记。见到其他食客叫嘅食物卖相，都令到流晒口水。餐牌嘅选择花多潦乱唔知叫咩好，如果我喺附近返工嘅话，都唔介意日日嚟食。常餐午餐 $58吉列鸡扒/餐肉/炒蛋 配鸡汤通粉个人觉得当日鸡汤偏淡，配上通粉食落稍为逊色。吉列鸡扒香脆内软，切开肉汁流出嚟。外皮唔会太厚，味道十分之入味，加分！餐肉炸到适中，唔会干柴柴，保留里面软熟口感。滑蛋略嫌过熟。印式椒盐猪扒煎蛋饭 $55猪扒份量大块，薄身松软。食落带有咖喱味带有肉汁。猪扒上面冇腌料浆住，唔会带有过浓嘅香料味。即使饭配上适量嘅豉油，猪扒冇汁都唔会觉得干身。