Morton's of Chicago

话晒系出名嘅扒房，牛扒系做得出色嘅，我叫五成熟，中间切开真系粉红色。我叫咗份sirloin， 牛肉味浓郁，非常之腍同埋嫩滑。表面有少少火烧过嘅香脆，但系唔柴皮，咬落去有肉汁，非常唔错。除咗牛扒之外，其他嘢就真系一般。主要服务配唔上顶级扒房。 我哋点咗两杯餐酒，但系佢冇俾支酒我哋睇，只系喺醒酒器直接斟俾我，我哋都唔知边酒打边支酒，而且冇俾我哋tasting 。前菜有份牛肝多士，我哋问服务员攞把餐刀，佢哋话只系得切牛扒嘅刀，而且唔太愿意帮我哋攞。上汤嘅时候，餐巾浸咗落我碗汤度，冇帮我换，继续上俾我。我圣诞节去食可能比较繁忙，希望餐厅注意服务质素。