Outback Steakhouse (MOKO新世紀廣場)

营业中

休息中

黑糖包曾经为咗Outback无限任添嘅黑糖包而帮衬，相隔一排再嚟，黑糖包已经冇当初咁好食了，觉得偏甜。不过，热辣辣黑糖包配上自家制牛油这个经典配搭仍然好正🥖澳洲和牛纽约牛扒牛扒竟然比沙律早到。牛扒上碟时，好似出面啲扒房咁连餐碟都系热㗎，确实抵赞。伴碟嘅薯条都够热，但系唔够脆，麦当劳薯条仲好食。块扒嗌咗五成熟，好明显Overcooked。块扒有筋，所以食落好韧😮‍💨炸蘑菇成餐最满意就系炸蘑菇！炸粉唔厚，炸完仍然保持蘑菇嘅水份，感觉清新不油腻🍄香煎黑椒日式黄鲸吞拿鱼沙律沙律菜品种好多，不过切得有啲碎，啲菜有点霉，感觉不太新鲜。不过，牛油果生熟程度刚刚好！至于主角吞拿鱼，份量非常多，不过黑椒味太重，食落有点辣。沙律配有两个酱汁（千岛酱和酸酸的汁），两个都麻麻哋。其实简简单单落橄榄油和黑醋， 效果可能会更好🥗食食吓，经理行过嚟问我哋觉得食物如何，我哋反映返块扒唔系我哋嗌嘅5成熟，经理主动话帮重新整过一份🫢 听到经理咁样回应，觉得好surprise，因为出面好多餐厅听完意见通常答你：「哦，会帮你同厨房反映吓」，之后不了了之。所以，今时今日遇到呢种服务态度确实难得👏🏻第二次上碟嘅牛扒终于系五成熟啦