hEat (已結業)

友人就快生日，就约佢食高级地中海菜预祝。呢度装修得好有格调，每张台之间距离很大，好适合同朋友倾计。友人点左生蚝、熟成牛扒、海蛰虾同朱古力慕丝。餐厅提供嘅生蚝有两种，分别系Fine de Claire同Daniel Sorlut。Fine de Claire嘅海水味比较重，口感爽口。而Daniel Sorlut食落则比较柔滑同清甜。整体而言两款都好鲜甜，配上酸甜嘅青芒果汁或辣汁好开胃。经过45日熟成嘅牛扒，外皮少少脆，肉质好嫩滑，食落肉味好浓郁仲有好香嘅油脂味，即使唔点酱都好好味！店外有熟成牛肉柜，好专业。北欧海螯虾烧得金黄色，虾肉鲜甜弹牙，有啲仲带有香浓嘅虾膏，好食到停唔到口。开左边嘅虾食得好方便，又唔怕整污糟。朱古力慕丝质感好幼滑，朱古力味好浓好甜。侍应们都好好服务，会讲解每样食物，又会定时定候添水。