茶狼 (已結業)

是日同朋友行街行到攰，想揾果地方抖下，所以就入左茶狼饮杯野倾下计，一直都想试佢，因为听朋友讲果茶底唔错几好饮，今次终于有机会试啦。果时大约夜晚7点几，因为系食晚餐时间加上放工时间，所以铺头完全冇咩人，位置好多，叫野饮都唔洗排队。仲可以周围打下卡，影下狼。入到去睇左下餐牌，见到居然有牛油果，二话不说就点左杯冻牛油果茉莉珍珠茶。见到冻柜啲cake好似唔错，但感觉牛油果都偏饱肚，所以下次再试。终于讲到主角冻牛油果茉莉珍珠茶，先讲珍珠口感，我觉得偏硬，要用多啲牙力去咀嚼，我觉得珍珠既口感有啲扣分。至于野饮方面，茶底真系好似朋友讲既唔错，好顺喉。牛油果味唔系超浓，但会食到牛油果蓉，茉莉味好香，所以有啲抢左牛油果既香味，不过饮到好creamy 既牛油果，感觉似真系好食紧打蓉既牛油果，我非常满意。叫左少冰少甜，甜度岩岩好，唔会太甜，冰唔会好多，饮完都冇冰净低。整体黎讲，野饮我好满意，而且牛油果野饮出边真系好少有，饮落都有惊喜。服务唔错，店员都会主动问洗唔洗少甜少冰，有提醒到客人，呢下加分。