影片
更多
2020-01-30
567 浏览
星期日去咗将军澳行街，顺便食个晚饭。身边只大大旧牛魔王一见到个餐厅有个beef🐮字就话要食🤣。虽然6点钟有啲早，但我哋都已经食得落，𠮶阵去到就未有太多人，到7点几食晚饭时候就爆哂场！餐厅环境畀我嘅感觉系好摩登时尙，装修简约，采用偏白系嘅灯光同家私，令人感觉轻松。食物种类非常多，由小食、沙律、汤、汉堡包、墨西哥薄饼、意粉／饭到主食通通都有好多选择，另外仲有dinner set同石烧牛！花多眼乱啊👀，而大部份嘅菜式都的确系以牛🐮做主角，同餐厅名一样。除咗大餐牌外，枱头仲有一份推介，好彩有揭到嚟睇，原来有promotion赞好facebook可以以超震撼价$12享用Lena秘制鸡翼(4只)。抵到烂，原价嗌6只要$42，虽然都唔算贵。🐔鸡翼炸得几脆，味道ok、似曾熟悉，但我讲唔出边到食过。🐮🐮牛牛汤($38)，睇餐牌见到系有牛肉浓汤、瘦牛肉、红灯笼椒、马铃薯同蕃茄煮成，但嚟到发现个样其实同罗宋汤无分别😂。不过真系好饮同浓过平日好多，而且啲牛肉粒同其他馅料好好食，推介可以叫呢款汤饮下。炸香茅牛串🍢($58)，牛肉串有2串，卖相好普通，但食落发现肉质好嫩，而且无烧到干哂，啖啖肉，食完有少少似食咗啖
星期日去咗将军澳行街，顺便食个晚饭。身边只大大旧牛魔王一见到个餐厅有个beef🐮字就话要食🤣。虽然6点钟有啲早，但我哋都已经食得落，𠮶阵去到就未有太多人，到7点几食晚饭时候就爆哂场！餐厅环境畀我嘅感觉系好摩登时尙，装修简约，采用偏白系嘅灯光同家私，令人感觉轻松。
食物种类非常多，由小食、沙律、汤、汉堡包、墨西哥薄饼、意粉／饭到主食通通都有好多选择，另外仲有dinner set同石烧牛！花多眼乱啊👀，而大部份嘅菜式都的确系以牛🐮做主角，同餐厅名一样。
Lena秘制鸡翼
$12
16 浏览
0 赞好
0 留言
除咗大餐牌外，枱头仲有一份推介，好彩有揭到嚟睇，原来有promotion赞好facebook可以以超震撼价$12享用Lena秘制鸡翼(4只)。抵到烂，原价嗌6只要$42，虽然都唔算贵。🐔鸡翼炸得几脆，味道ok、似曾熟悉，但我讲唔出边到食过。
牛牛汤
$38
17 浏览
0 赞好
0 留言
🐮🐮牛牛汤($38)，睇餐牌见到系有牛肉浓汤、瘦牛肉、红灯笼椒、马铃薯同蕃茄煮成，但嚟到发现个样其实同罗宋汤无分别😂。不过真系好饮同浓过平日好多，而且啲牛肉粒同其他馅料好好食，推介可以叫呢款汤饮下。
炸香茅牛串
$58
16 浏览
0 赞好
0 留言
炸香茅牛串🍢($58)，牛肉串有2串，卖相好普通，但食落发现肉质好嫩，而且无烧到干哂，啖啖肉，食完有少少似食咗啖牛扒嘅感觉😛。至于香茅味唔算太出，应该系腌牛肉时用咗，另外牛串可以点泰式辣酱。
MOO迷你威灵顿牛柳
$68
33 浏览
0 赞好
0 留言
MOO迷你威灵顿牛柳($68)，现时香港有唔少餐厅有得卖，但得个贵字，无食过好味的。见餐厅有卖迷你版就即管试下啦😉，估唔到比预期中好，切𠮶时觉得嚿牛柳有啲筋，但食落又唔韧㖞。再者，就系个烹调煮法好似几正宗，酥皮同牛柳中间搽咗啲酱，有啲黑松露嘅味道👍。整体嚟讲唔错，绝对值得一试，两个人嗌一份啱啱好。我差啲忘记咗讲就系呢样小食仲送一篮🍟薯条添，呢个价钱嚟讲，真系超值！
安格斯西冷牛方块三文治
$128
11 浏览
0 赞好
0 留言
安格斯西冷牛方块三文治🥪($128)，估唔到都几大份，而且又系有送薯条。三文治中间嘅馅就系吉列厚西冷牛扒，嚿牛扒估计7成熟到，都juicy嘅。不过我建议呢样要尽快食用，否则个吉列皮会整湿咗三文治块包(本身比较薄身同唔算脆)，就冇咁好食，我正正就系食得太慢所以体验咗🙈。
脆烤肉眼扒双重奏配焗意大利巴马火腿及芝士
$148
9 浏览
0 赞好
0 留言
脆烤肉眼扒双重奏配焗意大利巴马火腿及芝士($148)，我哋嗌呢个都系见好似好特别咁。落单时店员有提醒我哋呢个系炸牛扒o唔ok，未食过就试下。嚟到发现同我想像中好唔同🤣，我一眼望落觉得似焗千层面，因为有大量芝士，而且见唔到块扒🥩。另外，我想讲呢个系巨人份量，超澎湃，两块炸薄牛扒再夹啲嘢，真系四个人都够食。
脆烤肉眼扒双重奏配焗意大利巴马火腿及芝士
$148
7 浏览
0 赞好
0 留言
切开后见到🧀芝士系拉丝的，而Parma ham🥓就隐藏咗系炸牛扒中间。头几啖系几滋味同得意嘅，但炸皮较厚，而且真系比较炸同干，食到后期更加冻咗。如果怕热气嘅，就自行判断嗌唔嗌，同埋我建议多人share食好会啲。不过牛扒侧边有啲🥑牛油果酱炒瓜菜丝，中和一下都几好，全部食哂。
原来点三文治、意粉／饭同主菜类菜式，都会送餐饮🥤，柠茶柠水咖啡𠮶啲，而叫特饮就有优惠价。我哋要咗冻柠茶同热咖啡。
意式咖啡提拉米苏芝士蛋糕
$38
11 浏览
0 赞好
0 留言
最后甜品我哋嗌咗意式咖啡提拉米苏芝士蛋糕Tiramisu($38)☕️，味道正常，但似蛋糕多啲，唔系太正宗好芝士𠮶种。其实本身想叫柠檬挞同焗橙香沙巴翁多啲，但两样都卖哂🥺，唯有有机会再嚟先试下。同时，我发现跟晚餐加点嘅是日甜品原来都系tiramisu😂，跟餐叫好似抵啲。
总括嚟讲，呢餐牛宴食到我哋好饱饱，捧住个肚走。我哋食咗咁多嘢，每人都只系二百几蚊，其实真系性价比高，份量又超多。如果单单为求饱腹，更加唔使呢个价钱👍。食物菜式特别，味道唔错，系个别款式唔太啱我哋口味，抵赞嘅系餐厅大部份菜式都会加啲沙律菜🥗伴碟，refresh一下。最后服务方面，全部店员都好helpful、有礼貌、醒目同面挂笑容😊。
张贴
