奔之食堂 (已結業)

犇之食堂，咁多只“牛”，睇个名都知要黎食牛啦🤣呢间系台湾菜黎既，平日有午市套餐，今日星期六晏就黎食，就有假日套餐。除左饭面呢啲主食之外，仲有好多唔同既小食好似台式香肠、甜不辣、盐酥鸡、大肠拼小肠咁，仲有好多台式特饮拣添！挂住台湾都可以黎试下😀 1⃣️眷村红烧牛肉面（$98） 呢个系假日既午市套餐黎，包埋肉燥青菜同埋饮品。汤底香浓，微辣，面系偏粗身既，但系食落觉得如果再烟韧啲会更好😛牛肉用左牛𦟌，几厚几大片，唔错😋  2️⃣犇之卤肉饭（$50）有卤蛋、腌过既青瓜，同埋卤肉。卤肉肥瘦均匀，食落够油脂感🤤但系未去到入口即化，同埋唔够浓味同浆口🙈卤肉汁唔会太咸，都够捞饭既，但系略显偏稀身。  3️⃣眷村牛肉卷葱饼（$56）成餐我最满意呢个🤩呢个真系一定要嗌！做法系类似蛋饼，但系用左葱抓饼黎包住入面既馅料。虽然食落会比蛋饼既皮厚啲，但系更加有葱油香！入面包住牛𦟌、酸菜、青瓜，馅料满满，而且食落一啲都唔会干身，牛𦟌算厚而且煮得够淋，有蒜香味，青瓜又可以中和翻其他食材既浓同腻！好正！