郭仔記車仔麵 昌運中心

营业中

休息中

天气冻左好多，咁凉爽，最岩就系踩单车～今日系沙田踩入大埔，见到呢间郭仔记车仔面好多食客，下午茶时间都坐满人，一于试下先～朋友仔拣左牛三宝面餐，有时菜、牛丸、金钱牛肚、牛筋腩，送冷热饮品，都几抵食！牛丸弹牙、牛味香浓，金钱牛肚鲜嫩唔会韧～最钟意牛筋腩，炆得入味，带筋带肉，软嫩够腍身。另外叫左个净𩠌share，有瑞士鸡中翼、墨鱼丸、贡丸、牛丸、陈皮鱼蛋，推荐墨鱼丸，爽脆富弹性，口感丰富；瑞士鸡中翼肉嫩又入味，甜度刚好；陈皮鱼蛋充满鲜鱼香，浓郁陈皮回甘味好独特。最后仲试左生菜鱼肉，鱼肉够弹牙又唔会腥，正。