陳儀興牛什粉麵 (鴻祥大廈)

营业中

休息中

久唔久都会想食吓牛腩面，呢间位于旺角，主打多款牛什粉面，连罕有部位都有提供，例如沙瓜、牛坑腩、崩沙腩，限量供应，想食嘅要趁早去，因为都几多人帮衬。牛三宝净食份量唔少，牛腩牛筋牛肚各有差唔多10件，煮至软身，超级入味，个人最钟意牛腩，一咬即化，牛筋少腻，牛肚带点咬口，下面仲有生菜，新鲜又鲜甜，性价比高。汤面要咗崩沙腩，表面有一层横膈膜连住腩肉，肥瘦适中，软腍味香，系牛腩中嘅极品。面条吸满汤汁，不过要趁早食，如果唔系会发胀，一碗都几多，细食嘅可以两个女仔Share。小食有菜有炸物，健康少少嘅可以要菜，好绿好鲜，生菜比起菜心更甜，见旁边嘅炸鱼皮都好吸引，值得试试。饮品方面有惊喜，自家制，清凉解渴，试试无妨。