TERA

营业中

休息中

喺围坊见到呢间餐厅，咁啱𠮶日好想食Pancake，就即刻走入去试吓，结果冇令我失望😋。🥦 蒜香意大利西兰花 🥦 好惹味的前菜～ 西兰花煮得啱啱好，唔会过淋。蒜香味好浓郁，每啖都好香口😌。🍗 招牌香煎鸡扒烟肉牛角包窝夫伴薯菜🍗叫得招牌又真系几好味㖞！鸡扒煎得外脆内嫩，烟肉香脆可口。佢似乎加咗啲芥末，当觉得鸡扒有啲油嘅时候，芥末中和咗，配搭得好好。配埋牛角包窝夫同薯菜一齐食，口感层次丰富，感觉好特别，真系一流👍。🦀 明太子蟹肉意粉🦀 意粉正常发挥～ 明太子酱汁浓郁，带有少少咸香味，配埋鲜甜嘅蟹肉，味道丰富。意粉煮得刚好，弹牙有嚼劲😋。🥞 开心果梳乎厘班戟🥞梳乎厘班戟松软绵密，入口即溶。开心果味道都算香浓，配埋梳乎厘班戟一齐食都几夹，每一啖都好满足😍。