滿滿食堂

营业中

休息中

每天中午门口都大排长龙，认真望下餐牌真系唔贵wor！午餐可能要排一个钟，我都系夜晚先过来试下！位置同大部分平价烧肉舖差唔多，唔算阔落，但干净企利嘅！一份套餐包括自助区+汤+白饭。自助区🥗未食牛之前已经可以在自助区拿到唔少赞嘢，最惊讶是有无限量温泉蛋！小菜都有三款，系好味嘅小菜，有我最爱豆芽！饭🍚加钱可以转紫菜饭或咖喱饭。我转左紫菜饭配埋温泉蛋，就好似食牛角咁，加上有豆芽，好丰富！牛🥩当然最值得关心系肉质啦，我叫做贵肉同一般肉。个人认为好符合呢个价钱嘅水准，一d都唔差，绝对唔系某某乐牛扒嘅水准😭和牛有donki水准，西冷就有冻肉舖基本水准。唯一要讲就系，台面唔大，放一块超级超级超级热嘅石板就有小小危险咁，一路我都唔可以放心食嘢，好担心自己烫衬😭我见隔离台女仔都系全程拎高饭碗食饭🤦如果可以改进就更好啦！比如加个高d嘅台面专放石板。