616牛肉火鍋專門店 (皇后大道西)

营业中

休息中

上次同M佬喺元朗食完616牛肉火锅专门店，惊喜满分。今日，我A姐做乖乖女，接有牛魔王之称嘅A爸去新开张嘅西环分店，带佢试吓唔同部位嘅牛肉风味！餐厅设计以怀旧为题，A爸话啱晒佢嘅feel，而门口仲有大大张嘅牛不同部位分布表，食之前记住要睇清楚呀。餐厅入面仲有呢个牌阵，话晒你知今日有咩新鲜供应！吊龙伴系牛嘅腰腰脊肉，少少肥，但肥而不腻，香滑可口，食落又无渣。金花趾呢个系牛后腿嘅部位，筋同纹路明显较多，所以好弹牙有咬口。匙柄系牛嘅下肩胛肉，入口柔软，牛味香浓。滑尾龙上面打左只生鸡蛋，要捞匀先再碌，牛味重又唔韧，好滑架！牛朴肉系牛嘅颈嘅部位，最大卖点系肥嫩有嚼口，脂肪雪花均匀，味道甘香。呢间店铺最大卖点系不设加一，但有每位$20嘅酱料费。整体嘅质素相当唔错，唯一嘅问题系牛骨清汤相对淡口，香口味嘅人仕，包括A爸就略嫌唔够味喇。