橫浜街場 (已結業)

星期五晚约左个临时系旺角既饭局，周围打电话都无位🤷🏽‍♀️揿揿下见到呢间就胆粗粗试下，上到去又未齐人谂住周围行下先再返转头，点知佢地好好咁主动招呼我地，俾我地坐住等又问我地想饮唛👍🏼佢既红酒、白酒同啤酒都系任饮我地拣左个海鲜套餐就再无加过野，超级大份绝对系会食唔哂！汤底我地拣左胡椒猪肚汤，够哂暖笠笠！加上个好特别既木桶感觉上无咁热气。而佢既海鲜拼盘好新鲜，最抵赞系碟牛肉好靓！就算嗌免费个款牛肉都一样咁得！不过今次太仓卒无用到系openrice 既优惠，如果唔系仲抵食！