千府·居食屋 (已結業)

呢日约咗几个朋友聚会，嗌咗唔少嘢食，人多嗌多D大家share食，好开心吖。呢间开咗冇耐的日式居食屋有D特别嘢食，我个人认为『味噌脆皮猪大肠』就够特别，用味噌调味嘅猪大肠𠮶皮好脆，味道好香口，又唔会咁油腻，系个日式，广式fusion菜式。而呢个需要有酒送嘅，我哋就嗌咗『钿女，天女之舞，纯米吟酿』，贪佢微甜嘅口感又带有花的香味。另一样特别嘅系呢个小食，就系『西班牙鳀鱼酱跟蔬菜条』，一个小炉仔兴住D酱，蔬菜条点任D酱食，好味。『松叶蟹肉波波』和『香煎牛油果蟹肉饼沙律』都有蟹肉，原来成个蟹肉波波由外至内都系蟹肉超满足。『日本天使虾』、『烧白鳝』、『明太子手羽』都系用来送酒食嘅。『七点刺身』有我钟意嘅虾，带子，拖罗，海胆，正。『鲟鱼籽海胆茶碗蒸』用料矜贵，系我试过最豪的茶碗蒸，要慢慢嗒真啲。