雲魅 (已結業)

前两日约朋友去咗食米线，呢间舖头系朋友拣嘅。我心谂食米线点解要拣呢，求其食碗三哥谭仔咪得啰，但我都冇乜点理会，所以就乜都冇睇应承咗。一入到黎见到个格局，舖头唔算好多张枱。所以好快就满座，我同朋友打开咗个餐牌。见到同平时食开嘅米线好唔同，并非一碗自己拣唔同嘅𩠌。系先拣好汤底再拣面，之后就拣唔同嘅套餐，套餐有唔同嘅配菜。我拣咗云魅特色汤，而我朋友拣咗云魅老坛酸菜汤，一嚟到我就见到配菜还配菜，同汤底系分开嘅，汤底系用一个好似化玄嘅盅，好大个，啲汤系好滚嘅，佢要跟返唔同嘅步骤落，首先落肉类和菜类，最后先至落个面，我款汤都系有鸡汤嘅，所以喜欢饮鸡汤嘅人可以选择嚟呢度食。佢嘅套餐唔算好平，但系个卖相同材料都算系值得。