影片
更多
2013-01-11
33 浏览
买完羽毛球拍，同行朋友去打边炉前有半个钟想揾间小店饮杯野，误打误撞行到呢间拉面店记得有睇过食评系新店而且评价唔错，我冇份打边炉既当然想试，难得朋友都唔怕太饱肯陪我当然要试下啦!店面一眼睇晒，打长有十个位左右，两位男师傅0系open 既cooking station 煮面(一位日本人一位香港人)，一位好有礼貌好甜美既小姐0系店面负责照顾客人入去时都系7点未够，入面有4位客人，我同朋友唔使等! 我地入坐同时有一位男士入坐，"甜美小姐" 立即奉上绿茶，又提我地枱下面有勾挂袋，好细心，三位客人一次过入坐都照顾得唔错呢 餐牌好靓，一打开有日本师傅既介绍 (第一页系日文，第二页至系中文)，因为好心急叫野食所以冇仔细睇，只系记得介绍入面有师傅个0麦头，好认真心急系因为听到 "甜美小姐" 同旁边0个位男客人讲话只系卖剩3款面!!!! 得番特浓鱼介豚骨 或 鱼介豚骨盐味汤拉面同鱼介豚骨沾面。而且仲系得细，唔可以拣大。点解咁得意? 原来系因为叉烧唔系好够，所以只供应细份量。结果我地拣左细既鱼介豚骨盐味汤拉面同鱼介豚骨沾面。搞下佢d 辣椒油和黑椒酒，饮下茶，五分钟左右已经有得食喇汤拉面先黎。好香呀!!面既
记得有睇过食评系新店而且评价唔错，我冇份打边炉既当然想试，难得朋友都唔怕太饱肯陪我
当然要试下啦!
店面一眼睇晒，打长有十个位左右，两位男师傅0系open 既cooking station 煮面(一位日本人一位香港人)，一位好有礼貌好甜美既小姐0系店面负责照顾客人
入去时都系7点未够，入面有4位客人，我同朋友唔使等! 我地入坐同时有一位男士入坐，"甜美小姐" 立即奉上绿茶，又提我地枱下面有勾挂袋，好细心，三位客人一次过入坐都照顾得唔错呢
餐牌好靓，一打开有日本师傅既介绍 (第一页系日文，第二页至系中文)，因为好心急叫野食所以冇仔细睇，只系记得介绍入面有师傅个0麦头，好认真
心急系因为听到 "甜美小姐" 同旁边0个位男客人讲话只系卖剩3款面!!!! 得番特浓鱼介豚骨 或 鱼介豚骨盐味汤拉面同鱼介豚骨沾面。而且仲系得细，唔可以拣大。点解咁得意? 原来系因为叉烧唔系好够，所以只供应细份量。结果我地拣左细既鱼介豚骨盐味汤拉面同鱼介豚骨沾面。
搞下佢d 辣椒油和黑椒酒，饮下茶，五分钟左右已经有得食喇
汤拉面先黎。好香呀!!
面既汤唔系话好多，0岩0岩浸过d 面，上面有一块长长既叉烧、一块紫菜同一小块鸣门卷
我快快手影相时朋友已经偷饮左啖汤，吐出一个字，浓!
三两秒之间"香港人师傅" 已经问: "好唔好味呀?" (可以睇到佢系好紧张出品同重视反应。而且0个一刻好似0系屋企食饭咁，其实系好窝心)
沾面之后都到喇。碗汤上面有d 啡色粉未溶我就搅下佢，"香港人师傅" 就话系 "咖哩" 黎架要搅到溶至得如果唔系会好咸
我忍唔住叫左出黎，"咖哩"?????
哈哈，"香港人师傅" 更正我，系 "鱼介" 呀
其实落order时都唔知咩系鱼介，"香港人师傅" 好细心咁介绍: "鱼介系用几种日本鱼磨粉"，因此成本好贵，不过成品味道会好浓好鲜但又唔会好似坊间0个d 一味死咸
明白喇。饮一啖汤拉面既汤，果然系好浓郁，面有一屠薄薄既油(可以接受而且好香)，猪骨味过左之后有一阵好鲜既味道做结尾，好特别、有层次!
面条系较为粗身带弯既，色泽带黄，冇碱水味但非常有咬口 (合我口胃!)
叉烧薄薄一片，上面有少少黑椒粒。完整唔散但软熟得可以用筷子轻易分开﹔肥瘦相间，豚脂令叉烧味道好好，而且有d 焦香 (后来至知原来真系火枪灸过)。一块长长叉烧，珍而重之咁分成3小片分3次食，好好味!
沾面面汁既味道更浓(应该系因为额外0个d 鱼介吧)，面同汤拉面系用同一种面，分开用碟上，条条分明唔会痴埋一旧
朋友因为有下场，只系食左三入一就忍痛俾左我完成 (哇卡卡卡)。好味，一条不剩!
我地都话睇下到最后会唔会offer 我地加d 昆布汤饮埋个沾面汁 ... 不过冇㖞，"香港人师傅" 见我食完就收左个碟啦
(题外话: 上个月0系京都食沾面，会有昆布汤俾你加，面汁系用小砂锅载住，每枱有个IH 炉仔，俾你加汤之后可以原个砂锅加热番黎饮，0系冷天时真系好赞! 又有绰头又有实际，香港既沾面店都可以试丫)
半个钟左右就食完喇，好味、而且好愉快。
"日本师傅" 冇出过一粒声，只系好认真咁0系度煮面
"香港师傅" 系店既PR 肩负问客人意见、介绍食材既重任。佢都有介绍限量二十客既蕃茄面，仲话最好之前0个晚打去 .... 我即刻话咁好，有得预订? "香港师傅" 笑笑口咁话: 最好之前0个晚打去 ... 问下第二日有冇(因为意大利蕃茄来货问题)
"甜美小姐" 就负责greet 客人、介绍menu、take order、加茶、收钱
一间小店，几款面，三个人，看得出既默契，赏得到既认真。谢谢。
之前呢度附近有一间拉面小店，味道也不错，可惜结业了。希望Agura 可以长做长有!
今朝睇番其他食评至知原来每天只限定做50-60碗拉面! 咁我地寻日都算好好彩!!
心思思又想再去，想认真咁睇下佢个餐牌!
题外话/补充资料：
小小意见: 食食下有一刻觉得个鱼介有d 似靓既虾籽味，哈哈。另外，朋友同我都有少少出奇两个面既汤/汁都唔系好热 ... 对我们来说，食物既温度太重要喇，如果可以改善一下就完美喇
(以上食记乃用户个人意见 , 并不代表OpenRice之观点。)
张贴
