麥文記麵家

营业中

休息中

麦文记系我由细食到大嘅面店，偶然都会同妈咪黎食，食有情怀有回忆嘅云吞面🍜今次晚餐时间黎，有5-6人排队（反而澳牛直入），等左5分钟就有位啦。由细个廿几蚊食到而家$45一碗细蓉。近年通胀都真系劲，记忆中几个月前仲系$43。其他老字号嘅云吞面而家都好贵。云吞仍然系出色好味，大大粒鲜虾🦐，云吞皮又薄又嫩，有时叫多个净云吞就大满足。麦文记嘅面系属于比较弹牙，尤其今次好似略嫌爽左啲，钟唔钟意食佢嘅面就真系个人口味，有人好钟意， 有啲就觉得太硬身。地方环境就系旧式嘅云吞面店，而家买少见少，地方浅窄都系俾人快快手食完走。