漁一海鮮火鍋料理 (已搬遷) 新店位置

朋友生日聚会好选择,房间有最底消费，但系如果多人食基本上都一定过！今次系朋友慕名而来，叫咗两个汤底一个系猪肺汤，令一个系蟹煲，猪肺汤就略为淡左少少，但系个椰子蟹煲就好好饮！汤底上嚟之后都系先饮咗汤😬😬，之后先加汤开始打边炉食物材料相当新鲜，因为生日嘅关系所以都叫了好多正材，象拔蚌抵食，鲍鱼同蚝新鲜！另外打电话来订位，会有一条新鲜刺身鱼送，条鱼有惊喜，因为有两种食法，一种系加咗酱汁，个酱汁系酸酸地几开胃，另一种系普通食法可以加豉油。建议大家先食咗个普通嘅，因为如果先是个酱汁就食唔番本身个鱼嘅鲜味。另外叫了几款将爆丸都几好食！其实打边炉最紧要材料新鲜，呢一点佢哋做到。牛肉个人觉得本地牛比较有牛味。价钱都算合理，我哋10个人价钱七千几蚊，平均每人七百几，我哋食咗好多嘢，又叫熟食又饮了生啤，叫了2转全枱满仲要叫咗象拔蚌鲍鱼等，个个都好饱，不过略嫌时间比较早收可能系我哋平时做开夜鬼。