九龍餐室

营业中

休息中

嚟到深水埗揾食，当然要食番D地道野。见到依间茶记出名菠萝包，都几吸引，一于试一试！呢间茶记都算几干净同光猛。特大菠萝包餐(＄32)。个菠萝包嘅卖相有啲令人失望，成个包扁咗，不过味道系唔错嘅，如果热辣辣嘅话相信会仲好食。个奶茶奶味够晒重，算系几出色嘅奶茶。另外叫咗个营养餐($45)，有火腿通，炒蛋加多士。块多士都整得几香口，炒蛋算滑。个火腿通嘅份量比我想像中大！Overall都好食，不过系深水埗黎讲价钱贵咗啲。