影片
更多
2021-09-08
357 浏览
四方正宗重庆麻辣火锅(6/9) 星期一 晚上7点特式：呢间火锅店位于土瓜湾区既横街窄行，该区较为旧及老化，平时好少有外人嚟揾食，不过而家有左土瓜湾站就会方便d。火锅汤底都算正宗重庆，食物比较特别同有特式，招呼人性化，有人情味，所以多数都系街坊帮衬。食物：汤底，药膳汤底冇得输，麻辣就因个人口味选择，食得辣应该会好钟意，但我叫小辣都辣到爆。大部分小食味道都正常，算好食，但偏辣，亦无得拣辣度。牛肉唔系急冻肥牛，但又未到手切牛级数，但任食，性价比已经极高。海虾好新鲜，好大只，仲去埋虾枪虾线，都系任食，回本位之选。鹅肠/脆鲩/鳝片都好新鲜。试左几款蔬菜类，全部都新鲜，推介皇帝菜，莴笋，鲜淮山，粟米，萝卜。丸类都做得唔错，首推，墨鱼滑（好食过出面个d好多），牛丸都好食牛味重。仲有好多特式食品，鲜黑柏页（推介），牛胸爽（推介），鱼卜（推介），猪黄喉（推介），猪脑/牛鞭/牛波子唔惊就试。饮品：无包任饮，散叫，价钱正常，唔算太贵。环境：普通，全场得4张4人枱2张2人枱，都迫迫地，平日唔算太多人，7点前去都唔洗等位，但建议book位。服务：楼面态度好好，但唔够人做野，见佢地都忙，但上菜唔算太慢，但感觉有人
(6/9) 星期一 晚上7点
特式：呢间火锅店位于土瓜湾区既横街窄行，该区较为旧及老化，平时好少有外人嚟揾食，不过而家有左土瓜湾站就会方便d。火锅汤底都算正宗重庆，食物比较特别同有特式，招呼人性化，有人情味，所以多数都系街坊帮衬。
食物：汤底，药膳汤底冇得输，麻辣就因个人口味选择，食得辣应该会好钟意，但我叫小辣都辣到爆。
大部分小食味道都正常，算好食，但偏辣，亦无得拣辣度。
牛肉唔系急冻肥牛，但又未到手切牛级数，但任食，性价比已经极高。
海虾好新鲜，好大只，仲去埋虾枪虾线，都系任食，回本位之选。
鹅肠/脆鲩/鳝片都好新鲜。
试左几款蔬菜类，全部都新鲜，推介皇帝菜，莴笋，鲜淮山，粟米，萝卜。
丸类都做得唔错，首推，墨鱼滑（好食过出面个d好多），牛丸都好食牛味重。
仲有好多特式食品，鲜黑柏页（推介），牛胸爽（推介），鱼卜（推介），猪黄喉（推介），猪脑/牛鞭/牛波子唔惊就试。
饮品：无包任饮，散叫，价钱正常，唔算太贵。
环境：普通，全场得4张4人枱2张2人枱，都迫迫地，平日唔算太多人，7点前去都唔洗等位，但建议book位。
服务：楼面态度好好，但唔够人做野，见佢地都忙，但上菜唔算太慢，但感觉有人情味。
价钱：三个人食任食，再叫左4支啤酒埋单1000蚊，性价比唔错，唔算贵。
张贴
