雲長小龍坎老火鍋 (已結業)

星期日约左朋友食饭，几个朋友就最适合打边炉，边食边倾计。试左呢间由过江龙火㶽店—云长小龙坎火㶽店，原来陈柏宇开嘅。因为我地怕食辣，所以叫左个鸳鸯汤底：蕃茄同埋芫茜汤底，汤底比较喜欢蕃茄味啲，浓郁啲。我地叫左个极品手切肥牛，$328，牛肉质素唔错。我地叫左个海鲜拼盘，$99一位，有鲍鱼、蚌、花甲、海虾，虽然每样得一旧，但黎到见到啲鲍仲郁紧，食材新鲜。仲叫左手打虾丸、手打墨丸同埋手打牛丸，三款丸都几弹牙。另外叫左自制鲜虾云吞，真系食到成粒鲜虾。仲叫左韮菜饺，包得几好食。蔬菜叫左皇帝菜。另外，Like facebook page会送甜品，豆沙锅饼同埋红糖糍粑，豆沙锅饼几好食。