常樂素食 (已結業)

哩度啲菜式都頗有特色，係份量少啲顯得有啲貴。非油炸類而又好食嘅算擇較多，為食素加多點趣味~素東坡肉 - 一大片冬瓜淋上茨汁，雖然唔算特別驚喜，但甚為可口，要等較耐都值。感覺係食手功多啲~絲絲入扣 (日本山藥，紫菜絲) - 咬落似蘿蔔絲卷，裏面仲要滑潺潺咁，講到好唔討好咁，但妙在跟埋碟wasabi豉汁，點嚟食即刻口感fresh晒。$98 得4 卷有啲貴 ......三寶頭腐腦 (豆腐，素火腿，香菇，露荀) - 偏咸少少，還可接受，鮮嫩嘅露荀加番唔少分。炸吉列薯球 (芋頭，馬鈴薯，麵包丁，香菇，香菜) - 炸得香口之餘一啲唔油膩，裏面食唔出佢menu講咁多成份但無論如何炸薯蓉都好清爽可口，可能係拜佢混入嗰一丁點"香菜"所賜。好食。後記：服務貼心，可能咁啱有枱，店員主動幫我哋轉枱，因為個東坡肉比較大碟。份量係少啲顯得有啲貴，但仍覺值得。