丼家作煮

营业中

休息中

是日到旺角做嘢，午饭时间朗豪坊间间餐厅都排晒队，唯有到附近揾下有咩食，来到了对面的文华商场，发现呢间特色丼饭餐厅，就一于试下。午餐有"丼"、"家"、"作"及"煮"四个餐可以选择，丰俭由人，全部都可以一丼多食，餐厅都有介绍各种食法。前菜系黑胡椒蟹柳青瓜丝沙律，黑胡椒带出微微辣味，食落感觉清新，作为前菜一流。是日刺身系油甘鱼，食落新鲜无筋，配上萝卜丝及厨师特制嘅面豉蛋黄酱，唔需要沾豉油已经好好味。作 :有蟹肉、三文鱼籽、吞拿鱼、鲷鱼等等，系丼饭面堆到成座山咁高，卖相相当吸引。话明一丼多食，梗系要试匀咁多种食法，第一食就系自制手卷，紫菜够晒脆，自己整钟意多饭又得，多𩠌亦得，好味又过瘾。第二食就系正常丼饭，刺身新鲜鲜甜，份量好多，每一口都食到，个人最喜欢三文鱼籽及吞拿鱼蓉，加埋餐厅嘅特制酱油，令刺身饭更加美味。最后一食就系汤渍饭，当丼饭食剩约三分之一时，就可以叫店员加鲷鱼汤变成汤渍饭，鲷鱼汤味道鲜甜，丼饭吸收晒鱼汤后，又系另一番风味。