四面泰泰式火鍋

营业中

休息中

今日嚟到呢间泰式火锅店，第一次食泰式火锅，见到餐牌上面嘅食材，包括牛肉、海鲜、蔬菜等等。而最特别嘅系泰式汤底，由冬阴功汤底、泰式椰子汤底等等可以选择。一坐低就会有一碟，泰式虾片，新鲜香脆，好浓嘅虾味，而且无限任添，食完一碟店员会问你要唔要refill？我哋两个人一共食咗三碟，超正。见到餐牌好吸引，即刻叫咗一个「海鲜宝盒」，呢个宝盒好有睇头，好名贵嘅感觉，入面放咗干冰，所以不停有白烟慢慢飘出嚟，作用可以保持低温去保鲜海鲜，而且影相打卡非常特别，店员帮你打开宝盒，感觉充满仙气。海鲜用料上乘，非常新鲜。海鲜包括鲜虾、珊瑚蚌、鲍鱼、白鳝片、生蚝、墨鱼滑等等。生蚝手板咁大只，好Juicy，好鲜味。另外叫咗一碟牛肉片，肥瘦适中，好香滑，容易入口。食物配合泰式椰子汤底，泰式风味，仲带有少少酸味，好特别，而且令人食得好开胃。