影片
更多
2023-07-27
16 浏览
呢间车仔面好高质又抵食，酱料配料都系自家制，主打一啲潮汕嘅食材，平时好少见到呢啲𩠌，好特别又好食！餐厅舖头唔算好大，但整体都干净企理，见佢外卖单都接个唔停，相信午市嚟嘅时候都会爆晒场要排队等位！喺呢度叫返一碗车仔面，配上自己钟意食嘅𩠌菜，可以试一试佢哋自家包嘅饺子，加入秘制嘅咖喱汁、瑞士汁、沙嗲汁、麻辣酱或者招牌黄金鸡汤，如果钟意辣嘅，仲可以加埋餐厅自家炒嘅菜脯，够晒惹味！再叫返几个潮汕小食，好抵食丰富，比起连锁嘅米线出色好多！------------------------------🍜◖秘制黄金鸡汤米线◗ $66佢嘅车仔面系每样配料加钱咁样，拣咗米线底（$10），配上佢哋嘅秘制黄金鸡汤（$3），𩠌方面就拣咗「有鱿鱼的鱿鱼丸$11」、胡椒猪肚丸（$11）、猪红（$9）、瑞士汁鸡中翼（$12）、生菜（$10），啲𩠌菜都几特别而且高质，价钱又唔贵，每款都大概系$9-$12左右！几钟意佢个胡椒猪肚院同埋鱿鱼丸，好有口感同埋肉嘅感觉，味道调配得啱啱好，出面真系好少见到！同埋好欣赏佢过黄金鸡汤，用咗南瓜同鸡牛熬出嚟嘅汤头，好甘甜唔会盖过其他食材嘅味道！🧆◖滋味无穷紫菜四宝◗ $39 呢个小
喺呢度叫返一碗车仔面，配上自己钟意食嘅𩠌菜，可以试一试佢哋自家包嘅饺子，加入秘制嘅咖喱汁、瑞士汁、沙嗲汁、麻辣酱或者招牌黄金鸡汤，如果钟意辣嘅，仲可以加埋餐厅自家炒嘅菜脯，够晒惹味！再叫返几个潮汕小食，好抵食丰富，比起连锁嘅米线出色好多！
------------------------------
🍜◖秘制黄金鸡汤米线◗ $66
佢嘅车仔面系每样配料加钱咁样，拣咗米线底（$10），配上佢哋嘅秘制黄金鸡汤（$3），𩠌方面就拣咗「有鱿鱼的鱿鱼丸$11」、胡椒猪肚丸（$11）、猪红（$9）、瑞士汁鸡中翼（$12）、生菜（$10），啲𩠌菜都几特别而且高质，价钱又唔贵，每款都大概系$9-$12左右！几钟意佢个胡椒猪肚院同埋鱿鱼丸，好有口感同埋肉嘅感觉，味道调配得啱啱好，出面真系好少见到！同埋好欣赏佢过黄金鸡汤，用咗南瓜同鸡牛熬出嚟嘅汤头，好甘甜唔会盖过其他食材嘅味道！
🧆◖滋味无穷紫菜四宝◗ $39
呢个小食真系必要，有齐晒四款特色丸类：潮汕手工小米粿、特级瀬尿牛筋丸、汕尾马駮猪肉丸、有鱿鱼的鱿鱼丸，一次过试晒佢哋四款招牌嘅𩠌，汤底仲要用咗招牌嘅黄金鸡汤，超正！
🍗◖生炸香辣单骨鸡翼◗ $26
有大概三只鸡翼，分开咗做单骨鸡翼，炸得外皮酥脆好香口，面头淋咗啲味粉，咸咸地有少少辣味！
🐂◖一试难忘沙嗲牛腩◗ $45
佢嘅沙嗲酱花生味都几浓郁，牛腩用咗牛筋腩，牛筋嘅部份好多，口感爽脆黏口。另外用咗啲白萝卜铺底，食落冇咩根，吸晒啲牛肉同沙嗲嘅香味，正！
🥟◖镇店鸳鸯饺◗ $26
小店里面嘅饺子都系自家手工包，呢度有四粒菜肉饺同三粒韭菜饺，菜肉饺识落好香好Juicy，外皮好薄；韭菜饺比较厚皮，食落更有口感，里面嘅韭菜馅好大份，好香！
🥘◖咖喱三宝◗ $36
呢个𩠌真系必要，拼盘已经包咗咖喱水鱿鱼、咖喱鱼蛋同咖喱牛柏叶，全部都炆煮得好腍好入味～
🍢◖生炸潮汕三宝◗ $33
呢个小食有汕尾马鲛猪肉丸、深海粒粒墨鱼丸、有鱿鱼的鱿鱼丸，外脆内软，呢啲本身带有鲜味，炸完之后食落更加香！
🍋◖冻柠水◗ +$8
🌟 Encore指数：9/10
张贴
