徐記廚房點心 (已結業)

之前睇烧卖关注组，先知道呢间点心铺! 位置虽然系角落位，但系都算易去，除左系太子站，仲可以系旺角当过去! 因为烧卖共和国而得知既徐记，紧系要试试佢既烧卖!呀妈家姐烧卖，原来点心都可以做厨师发办，又几有趣!! 四色烧卖见到都几开胃! 黄色个款系姜味，入面有D姜丝，食落去有好微既姜辣味，中和左平时烧卖既油腻咁，比想像中夹，感觉连长辈都会钟意。绿色就系韭菜味，呢款有D似平时食饺子既味道，韭菜味系好突出。虾酱味既烧卖都系第一次食! 带有少少咸香! 青酱味既烧卖就似fushion感觉 ，平时食意粉先食到既味道，估唔到系烧卖到食到!腐皮虾卷有惊喜! 外皮好脆好脆，虾肉弹牙，仲有D萝卜丝增加口感。金钱肚最钟意系个汁，好惹味，内藏亦没腥味。菜苗饺好大粒，好足料，入面D虾粒同样系弹牙，每啖食落都好满足! 徐记甘露呢个甜品一级棒! 平时都比较少系甜心铺食到冰粉，上面好多花生粒同芝麻，好香口，重点系佢唔会太甜!! 夏天食呢个真系好岩! 小店值得更多支持!