影片
更多
2019-03-15
695 浏览
特色茶餐厅.茶餐厅喺香港真系一大特色，不过而家嘅茶餐厅已经发展到非一般嘅茶餐厅，无论食物装修都别具心思，就好似葵芳呢一间茶餐厅，喺深水埗都有分店。但看过门口已经被佢嘅五光十色嘅布置吸引左。一入到去，觉得个装修真系好怀旧，有怀旧嘅水壶、怀旧嘅信箱、怀旧嘅招牌、令人恍似置身六七十年代一样。虽然环境好似回到过去，但系食物绝对系fusion 之选，连个餐牌都好有心思。有时创新未必系好，不过今晚试过之后，觉得可以一试㖞。今晚同屋企人食饭，首先点左个拼盘。▪️东南亚风味拼盘$58越式春卷 x3 泰式鱼饼三件BBQ鸡翼三件台湾黑胡椒肠两条呢个拼盘系超抵食，共有11件，性价比高，抵食，最钟意就系食台湾黑胡椒肠，呢一个评判真系越南泰国台湾嘢食都有，集合几个国家于一身。.▪️胡椒汤生菜$22呢碟菜只系$22 ，但系个比例都几大份，而且个胡椒汤真系充满左胡椒味，有啲似胡椒猪肚汤嘅味道，所以都几辣，好食。▪️肉夹馍 $38估唔到茶餐厅都陕西著名小食。其实系中式嘅汉堡包哈哈好多馅啊🤩面包OK松软，肉够入味肉汁好丰富，食到一手都系。🤣最好味系够辣🌶.▪️黑松露炒蛋多士$38黑松露好香呀卖相一百分💯呢个价钱性价比高如果个蛋
特色茶餐厅
.
茶餐厅喺香港真系一大特色，不过而家嘅茶餐厅已经发展到非一般嘅茶餐厅，无论食物装修都别具心思，就好似葵芳呢一间茶餐厅，喺深水埗都有分店。但看过门口已经被佢嘅五光十色嘅布置吸引左。
一入到去，觉得个装修真系好怀旧，有怀旧嘅水壶、怀旧嘅信箱、怀旧嘅招牌、令人恍似置身六七十年代一样。虽然环境好似回到过去，但系食物绝对系fusion 之选，连个餐牌都好有心思。有时创新未必系好，不过今晚试过之后，觉得可以一试㖞。
今晚同屋企人食饭，首先点左个拼盘。
▪️东南亚风味拼盘$58
越式春卷 x3
泰式鱼饼三件
BBQ鸡翼三件
台湾黑胡椒肠两条
呢个拼盘系超抵食，共有11件，性价比高，抵食，最钟意就系食台湾黑胡椒肠，呢一个评判真系越南泰国台湾嘢食都有，集合几个国家于一身。
.
▪️胡椒汤生菜$22
呢碟菜只系$22 ，但系个比例都几大份，而且个胡椒汤真系充满左胡椒味，有啲似胡椒猪肚汤嘅味道，所以都几辣，好食。
▪️肉夹馍 $38
估唔到茶餐厅都陕西著名小食。
其实系中式嘅汉堡包哈哈
好多馅啊🤩
面包OK松软，肉够入味
肉汁好丰富，食到一手都系。🤣
最好味系够辣🌶
.
▪️黑松露炒蛋多士$38
黑松露好香呀
卖相一百分💯
呢个价钱性价比高
如果个蛋再滑啲就更好🙈
.
▪️飞仔华田$14 （跟餐特饮加$14）
▪️原味波波冰镇奶茶$24
杯华田好浓😍
将啤牌其实系米纸，系食得㗎。
上面仲有一大旧cream😍
.
奶茶嘅茶底有好香嘅锡兰茶叶味
重点系个奶茶波波冰。
就算冰融左，奶茶都唔会变淡，赞👍🏻
。
其实每一个区嘅食肆竞争好大，呢一间餐厅有噱头，食物品质都唔错，应该都能够站稳阵脚。
张贴
