Lobster Une

营业中

休息中

趁住假期，带住仔女去西贡行吓，行吓海旁，行吓公园同佢哋放下电！行行吓又到晚餐时间，经过呢间新餐厅，门口装修都几靓，一于入去试吓。店舖装修得好有格调，有吧枱或普通座位，坐近门口可以望埋街景，都几写意。薰衣草烤春鸡烤鸡腌得好入味，外层鸡皮香脆，内层肉汁重锁住，肉质滑嫩。配埋薰衣草调味，既香又特别，美味之选！酥皮焗田螺个酥皮好脆，好重牛油味，田螺弹牙爽口，上面仲有好香嘅蒜蓉牛油汁，两者配合，简直系绝配！伯爵茶苹果木烟熏BB 鸽BB鸽上枱嘅时候系用玻璃罩罩住，店员打入烟熏，一阵之后，打开玻璃罩，闻到好香嘅苹果木味。BB 鸽皮脆肉嫩，肉质有伯爵茶香，绝对系诚意之作。