影片
更多
2023-09-05
1394 浏览
依家好似少咗人去大南街了？而我因为晒菲林相所以间唔中会去，不过食嚟食去都系𠮶几间🤣今次终于去咗Café Sausalito试新嘢！呢间Cafe开咗近10年，依家嘅装修系经过翻新，有少少工业风，再搭配水松木同瓷砖装饰嘅桌椅。墙上仲有唔少装修留下嘅印记，例如师傅手画嘅图则之类，系有趣嘅小痕迹。落单之后店员会畀块有号码嘅瓷砖你，然后就可以返埋位安坐等送餐了。特别提到呢点系因为觉得块瓷砖同装修风格几一体化，系有心思嘅小细节🫶🏻🍰Homemade Tiramisu $60佢唔系传统间隔住手指饼𠮶种Tiramisu，呢个饼底同中间隔住嘅系海绵蛋糕，可惜唔系几够湿润，亦冇乜咖啡同冧酒味。Cream偏向绵而且轻身，整体偏甜。🍸Very dirty $88又畀限定供应吸引咗🤪呢杯coffee cocktail嘅酒味唔算好出，咖啡味亦比较淡，易入口，几啱本身唔系特别钟意饮咖啡嘅人～虽然佢应该冇预大家搅匀嚟饮（冇附上匙/棍），但我觉得搅匀之后smooth好多！可惜对我嚟讲实在太甜🙈有啲似之前喺DONKI买过嘅朱古力咖啡甜酒，而𠮶支酒系放弃咗饮唔晒的😂☕️Nostalgia (Salted lemon co
呢间Cafe开咗近10年，依家嘅装修系经过翻新，有少少工业风，再搭配水松木同瓷砖装饰嘅桌椅。墙上仲有唔少装修留下嘅印记，例如师傅手画嘅图则之类，系有趣嘅小痕迹。
落单之后店员会畀块有号码嘅瓷砖你，然后就可以返埋位安坐等送餐了。特别提到呢点系因为觉得块瓷砖同装修风格几一体化，系有心思嘅小细节🫶🏻
🍰Homemade Tiramisu $60
佢唔系传统间隔住手指饼𠮶种Tiramisu，呢个饼底同中间隔住嘅系海绵蛋糕，可惜唔系几够湿润，亦冇乜咖啡同冧酒味。Cream偏向绵而且轻身，整体偏甜。
🍸Very dirty $88
又畀限定供应吸引咗🤪呢杯coffee cocktail嘅酒味唔算好出，咖啡味亦比较淡，易入口，几啱本身唔系特别钟意饮咖啡嘅人～
虽然佢应该冇预大家搅匀嚟饮（冇附上匙/棍），但我觉得搅匀之后smooth好多！可惜对我嚟讲实在太甜🙈有啲似之前喺DONKI买过嘅朱古力咖啡甜酒，而𠮶支酒系放弃咗饮唔晒的😂
☕️Nostalgia (Salted lemon coffee) $55
有饮过柠啡，但咸柠咖啡真系第一次试！咖啡嘅味道似乎被咸柠同梳打盖过晒，比较似饮紧咸柠七🤣系奇异又有趣嘅味道！
总结！饮品卖相几精致～只系唔太啱我口味🙈不过今次只试咗特饮同甜品，见都有唔少人去食正餐，如果有推介不妨留言话我知🫶🏻
⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆
想睇更多分享
欢迎移步IG👉🏻gowithkaki
张贴
