春城銅鍋米線

营业中

休息中

旺角朗豪坊附近新开咗间新米线，主打铜锅米线，我地就急不及待要去试试😛。舖头名都已经叫做铜锅米线，无理由唔试试㗎，所以就叫咗碗招牌春城铜锅米线，基本已经有肉碎、芽菜、腐皮、酸菜、木耳丝、甜酸菜，我再加咗新鲜猪润、肥牛同唔系成日见到嘅新鲜肉眼筋。因为我唔系好食得辣🫣，所以嗌咗个微辣，虽然呢款汤底可以拣唔辣但食米线总系要有啲辣先食得过瘾嘅😙😙。米线上枱时系用铜锅盛载，令到碗米线keep住热焫焫🔥，配料分量多，酸酸辣辣好开胃。另外我地仲叫咗两个小食🦐🦐炸脆脆虾胶豆卜，豆卜炸到脆卜卜，虾胶爽口弹牙，再配埋泰式辣酱一齐食，好好味！😋爆浆红糖糍粑都好味！外脆内软，一咬入面啲红糖浆就咇晒出嚟😚，香香甜甜，配合一齐食好好味！两款小食味道都几出色，反而米线就略嫌有啲失色，除咗用铜锅比较特别之外，味道同其他米线舖差别不大。所以都唔需要特别出旺角食，但如果咁啱系附近都可以试试，呢间都算系性价比唔错嘅米线。