Lockeroom Dining (朗晴坊) (已結業)

Lockeroom 系一间阿仙奴既主题餐厅，内里仲摆放左阿仙奴既野，仲有劲多闪卡添。蟹肉芒果木瓜牛油果沙律有惊喜，成柸都份量十足，蟹肉、芒果、牛油果估唔到都几夹，仲有大粒粒爆珠好有口感。法国鹅肝香蒜面包鹅肝煎得外脆食嫩，入口即溶，蒜蓉包烘得香脆而且大件，蒜香味浓同微微甜。炭烧澳洲草饲牛西冷扒红酒汁配薯菜包沙律菜、餐汤、餐包沙律菜系用玻璃瓶装著，密封感觉衞生，沙律新鲜仲会配埋黑醋。餐汤系罗宋汤，同香蒜面包。西冷扒肉味香浓多汁，配菜系煮过既羽衣甘蓝，处理得好好，完全冇苦涩味。澳洲草饲牛柳蒜香意大利扁面上碟时厨师已将牛柳切片，牛柳肉质嫩滑又香浓，扁面煮得适中而且带有香蒜味道。