龍味館

营业中

休息中

饮食嘅智慧，其中一样系千祈唔好食咁浓味，如果唔系习惯咗，以后就食龙肉都冇味。所以我选择系一开始就食龙肉，而唔食浓味。 🍖龙系传统嘅神兽，我哋都冇见过真正嘅形态，但系每次见到艺术品上面既龙，都系非常精细，就好似呢度嘅前菜，三款精致嘅点心，放喺美轮美奂嘅碟上面，重视摆盘，赏心乐事，而且点心质素高，尤其系个咸水角，以萝卜形象呈现，各样都好似龙一样嘅艺术品咁。 🍖跟住就系食真正嘅龙。。。虾，系充满鲜味嘅泡饭，除咗满满半只大龙虾，仲有虾同鲍鱼，咁多海鲜个汤底自然系会非常鲜甜，而海鲜本身都系啖啖肉，龙虾唔使讲，非常饱满，又唔会因为浸喺汤入边而失去弹牙嘅口感。虾肉够爽身，同龙虾肉相影成趣。鲍鱼有咬感，但唔会韧，容易咬开，略带弹性。最重要系个脆米，倒埋落去个粥底，就产生软棉棉又脆卜卜嘅双重享受。 🍖餐前既开胃汤品，同餐后甜品同样出色，颜色都好靓，尤其系甜品玫瑰石榴糖水，冰冰凉凉，清爽得嚟夹杂住玫瑰同埋石榴嘅啖啖清香。 进餐过程感受到艺术气息，咁先至似食龙肉嘅感觉！