影片
更多
2014-09-10
2925 浏览
即兴约好友出黎食饭，但谂左好耐都决定唔到食野因为之前申请左90天会员，大部分既食物都有半价最后两个人又去左Ruby Tuesday食XDDDFried Mozzarella炸芝士条香气浓郁到一端上桌已经闻到（Y）外层炸得香脆，而且没有油光没有渗油，用手拎住食都唔会觉得手指会油淋淋内层就当然系Mozzarella Cheese啦，姐系好多时食Pizza都会有既白色牵丝芝士芝士香气重，但味道唔浓，唔只牵哂丝，仲会有少少烟韧酱汁系marinara，都系蕃茄加香草咁酸酸甜甜，清新开胃，有点似SalsaRibs & Wings呢个猪肋骨拼盘有半份猪肋骨加几只鸡翼当然仲有佢主菜一般都会附既薯蓉蔬果啦:^)烧肋骨我地拣左Honey Barbecue，蜜糖烧烤版；鸡翼我地就拣左Buffalo，水牛城版先讲猪肋骨，烧得好惹味食落啖啖有蜜糖甜香同焦香，但都系自然既味道，唔会太过甜腻不过呢个比我地上次食既Classic就干身硬身左d，个质感有少少似中式既烧排骨肉质紧实却不会难嚼，猪肉肉香都重既，脂肪位唔多，照食无误:^)鸡翼好够味，酸甜带辣，香口惹味，真系想食多几只肉质稔软有肉香，冇咩雪藏味同腥味，感觉不错
因为之前申请左90天会员，大部分既食物都有半价
最后两个人又去左Ruby Tuesday食XDDD
Fried Mozzarella炸芝士条香气浓郁到一端上桌已经闻到（Y）
外层炸得香脆，而且没有油光没有渗油，用手拎住食都唔会觉得手指会油淋淋
内层就当然系Mozzarella Cheese啦，姐系好多时食Pizza都会有既白色牵丝芝士
芝士香气重，但味道唔浓，唔只牵哂丝，仲会有少少烟韧
酱汁系marinara，都系蕃茄加香草咁酸酸甜甜，清新开胃，有点似Salsa
Ribs & Wings呢个猪肋骨拼盘有半份猪肋骨加几只鸡翼
当然仲有佢主菜一般都会附既薯蓉蔬果啦:^)
烧肋骨我地拣左Honey Barbecue，蜜糖烧烤版；鸡翼我地就拣左Buffalo，水牛城版
先讲猪肋骨，烧得好惹味
食落啖啖有蜜糖甜香同焦香，但都系自然既味道，唔会太过甜腻
不过呢个比我地上次食既Classic就干身硬身左d，个质感有少少似中式既烧排骨
肉质紧实却不会难嚼，猪肉肉香都重既，脂肪位唔多，照食无误:^)
鸡翼好够味，酸甜带辣，香口惹味，真系想食多几只
肉质稔软有肉香，冇咩雪藏味同腥味，感觉不错
薯蓉细滑，充满香草香气，感觉干身实在
配上富牛油香既蔬菜食就更易入口
Fajitas（Steak）铁板上到黎仲系咋咋声:^DDD，够哂热辣
睇住佢d肉汁闪闪下，仲要垫底有少少菜吸埋，正！
肉既份量真心多，本身见到以为好多菜系底垫起佢，点知一路食好似食极都未完咁xd
肉质软稔，有点嚼劲但唔会过韧，冇咩筋位容易食
肉汁丰盈牛肉味香浓．就算用铁板上都唔会搞到干哂水
一旁附有既系Tortilla，佢系软身既版本，咁就自己包住肉同配料食
咬落系好重面粉既香甜味，薄身，我自己食左都有三卷都仲系意犹未尽XD
配料就有Sour Cream，车打芝士碎条，生菜，蕃茄碎同Salsa sauce
我就会一卷包两块肉，仲有埋配料，重点系加埋头先食ribs果d薯蓉！！！！！
倒d salsa系面先包埋佢，薯蓉同个包底就已经可以吸左少少汁
加上薯蓉既细绵香滑、配料爽口清新同牛肉湿润稔香既感觉交织真系好正
Ice Cream Sundae雪糕新地讲真好抵食，同出面就咁一杯中高档（？）新地，如哈根，都差唔多价
但佢呢度可以拣两球雪糕：荷兰朱古力、热带芒果、咖啡杏仁同法式云尼拿
咁我地就拣左朱古力同云尼拿两个基本款啦
面头topping就有Oreo曲奇一整块同饼碎、杏仁同忌廉既
Oreo我谂都冇咩好评，佢冇浸到湿淋，仲系干身脆口
cream我又接受到，其实真系好唔想食cream，唔中意果d味
但佢呢个似系手打既，感觉冇咁油腻，甜度都不高
洒上杏仁碎，有果仁香又有少少脆度，个配搭都ok
雪糕香滑非常，云尼拿味香浓自然，朱古力味甜中带苦香，不会太甜腻
Ultimate Bacardi Mojito（Mega）酒精饮品我地系冇半价既，但朋友话想试佢就叫左mega-size
但我唔中意薄荷，讲真饮左两啖试左已经冇兴趣继续
因为佢超、级、重、薄、荷、味！！！！！
最后朋友自己饮唔哂，我唯有饮少少，但……都系净半杯
老实讲真系好后悔冇阻止佢叫-___>-
如果中意强劲薄荷既朋友可以试下
张贴
