影片
更多
2016-11-08
600 浏览
大家乐大多数喺小弟星期六落去食旱餐嘅地方，晚饭？甚少帮衬，偶尔有新出嘅特别嘢想试或懒煮晚饭，就会到快餐店搞掂。最近，就见佢出咗款「海盐柠檬烤鸡超值2人外卖餐」，$88已包海盐柠檬烤鸡1只、粟米2支、蜜糖甜薯1客、肉酱意粉1客及可口可乐汽水2罐，非常丰富。趁快乐星期五，工作忙无时间煮，就买一份返屋企同老婆撑枱脚。依一款套餐有晒专用袋及胶盒作包装，而装鸡嘅胶盒，里面放有吸油纸，而透明胶盖又有啲窿窿散气，唔会焗住有水气整腍啲鸡皮。之但喺，好老实，买到返去屋企，仲要等埋老婆返嚟，已喺半个多钟后嘅事，啲嘢食点都打折扣。海盐柠檬烤鸡海盐、柠檬，喺几有兴趣嘅味道组合，不过，食完晒只鸡柠檬味就欠奉，不如加多半个柠檬俾个客后加柠汁就仲好，相反，盐味就过多而有过咸嘅情况。因为，我有再用焗炉翻热，所以，皮都仲有啲脆，而鸡肉则几嫩滑。老婆话食完半只鸡，加条粟米及少少蜜糖甜薯，都饱晒，结果，个意粉留番第二朝早餐。粟米属于超甜粟，食落好甜，不过，我就唔觉有牛油香。蜜糖甜薯卖相有啲麻麻哋，焗到有唔少㶶位，但味道其实唔错，粉甜清香，有少少食煨蕃薯嘅感觉。肉酱意粉整个餐做得最迤、最快餐嘅水平，啲意粉白烚无味，口感又过腍
依一款套餐有晒专用袋及胶盒作包装，而装鸡嘅胶盒，里面放有吸油纸，而透明胶盖又有啲窿窿散气，唔会焗住有水气整腍啲鸡皮。之但喺，好老实，买到返去屋企，仲要等埋老婆返嚟，已喺半个多钟后嘅事，啲嘢食点都打折扣。
海盐柠檬烤鸡海盐、柠檬，喺几有兴趣嘅味道组合，不过，食完晒只鸡柠檬味就欠奉，不如加多半个柠檬俾个客后加柠汁就仲好，相反，盐味就过多而有过咸嘅情况。因为，我有再用焗炉翻热，所以，皮都仲有啲脆，而鸡肉则几嫩滑。老婆话食完半只鸡，加条粟米及少少蜜糖甜薯，都饱晒，结果，个意粉留番第二朝早餐。
粟米属于超甜粟，食落好甜，不过，我就唔觉有牛油香。
蜜糖甜薯卖相有啲麻麻哋，焗到有唔少㶶位，但味道其实唔错，粉甜清香，有少少食煨蕃薯嘅感觉。
肉酱意粉整个餐做得最迤、最快餐嘅水平，啲意粉白烚无味，口感又过腍，喺快餐式一煮就一大盆嘅质素。肉酱就还好，唔喺话好食，只喺唔太差，觉得佢唔够入味。比起曾食过佢哋嘅焗肉酱意粉，明显有好大落差。
供应时间由下午5:00开始已经有得买，只限外卖，限时优惠，售完即止。唔知每间店预几多份，当日都见有几个客买，讲唔埋好易狂风扫落叶被人买晒。虽然水准麻麻，都只喺快餐式货色，但咁嘅价钱相信都唔可以太多要求吧！
张贴
