麺屋武蔵虎洞 (青衣城) (已結業)

限聚令另持续咗咁耐，呢排终于叫做好返一啲。我呢只为食猫当然要立即放监出去食返啲好嘢。 今日就去咗青衣城“武藏虎洞“食日本拉面。 我哋一行二人，点咗一个 “黑蒜沾面 “ $79。另一个就点咗“黑蒜叉烧拉面“ $78 。先讲讲个沾面 ，留意返面条系粗身一点，中间有条坑 ，条坑系等于拉面可以挂多啲汤汁。 记得食沾面系要夹起拉面沾入汤内， 而非将成本汤倒入去个拉面度到。 入口黑蒜味充斥著整个口腔 ，浓郁嘅沾面汁并非净系得咸味 ，而系好有层次嘅味道 。另外个黑蒜拉面都做得好出色，饮完啖汤，口腔内仍然有淡淡嘅黑蒜味留喺度。叉烧嘅厚薄刚好 ， 脂肪同肉嘅比例都好平均。小食方便我哋就叫咗“明太子玉子烧“ $48，蛋卷有少少甜味，十分开胃 ，将玉子烧放入汤度， 索晒啲拉面汤嚟食，另有一番风味。最后到个“唐扬炸鸡“ $38，值得一赞嘅就系个芥末汁 ，少少辣辣地 ，令到个炸鸡味道升华咗。嘢饮方便我哋就嗌咗“巨蜂葡萄梳打“， 有好多嘅椰果粒粒 ，好好咬口 。顺带一提我觉得啲碗碗碟碟都好靓好有特色，只老虎好威猛 。疫情过后一定要飞返转日本丧食拉面寿司烧肉等等。