丼吉日式吉列豬排專門店 (世貿中心)

营业中

休息中

首先讲吓块鹿儿岛厚切猪扒（$348）啦，猪扒非常之好食，肉汁饱满肉质嫩滑，炸粉啱啱好，望落好多，不过一咬落去先发觉原来炸粉只系薄薄一层，块猪扒真系好大份，食嘅话要有心理准备，食落虽然有少少肥肉同埋根，不过咁先系猪扒，无谓批评。椰菜同饭系无限量供应㗎，一于淋少少柚子酱落椰菜度啦，临尾甜品得𠮶几够西瓜，令我大跌眼镜。不过呢间餐厅我最唔满意嘅就系服务态度，大佬你系食家蔡澜指定介绍嘅 CWB 总店嚟㗎！由上咗碗芝麻开始𠮶两个侍应（尤其系著和服载手套𠮶个）就一直用命运式嘅语气叫我磨碎 d 芝麻，等 d 猪扒可以沾上去，跟住仲叫我点样食𠮶件猪扒，我心谂使唔使连呢 d 都要你教。我每一次望到佢都发现佢系黑口黑面咁款，我心谂你咁唔钟意做咪唔好做啦。态度简直令人发指！