Be Leaf (已結業)

之前已经留意到呢间打卡Cafe Be Leaf，上次嚟见到佢哋仲装修紧，之后又遇上疫情，直至今日终于揾到朋友陪我嚟呢度打个卡。入面嘅装修真系好靓，令你感觉自己好似置身于宫廷后花园入面，周围都系打卡位。连餐牌都咁有意境。每款食物嘅摆盘都相当有心思，难得嚟呢度，当然要嗌满「一枱花」。温泉蛋芦笋伴西班牙黑豚火腿沙律颜色够缤纷，红橙黄绿配搭得宜。芦笋新鲜而爽脆，西班牙火腿又唔会过咸，而我特别欣赏佢下面其实有一层芝士酱，令新鲜蔬菜增添多一种味道。香煎慢煮西班牙伊比利亚黑豚鞍配蜜桃牛油果莎莎嘅食材亦都相当丰富，猪鞍扒属厚切，肉质鲜嫩，切开仍然充满肉汁，而佢嘅伴菜酸酸甜甜，令人相当开胃。香煎虎虾意式蕃茄芝士意大利饭味道同样精彩，蕃茄芝士汁同意大利饭简直系绝配，而且入面亦混有少量豆类，令口感更加丰富。唯一美中不足就系佢嘅虎虾略嫌不够新鲜，如果肉质爽口就更加完美。Strawberry Avocado Smoothies 充满香浓嘅士多啤梨味，而混入咗牛油果之后，口感更加丰厚，完全配合我嘅少女心。而Papaya Mango Smoothies就带有热带国度嘅味道，芒果同木瓜嘅味道表现平均，有芒果嘅清甜亦有