九龍咖喱屋

营业中

休息中

今日返工既时候系到谂晚餐食咩，谂谂下突然想食薄饼加咖哩，就seach下佐敦依头有咩咖哩好食。8点倒行到过黎，明明睇过系依条街但系点解行左2转都唔觉既。唔通执左？原来个门面唔大，外面睇黎又唔似食咖哩所以MISS左。本身睇左OPENRICE，又得自己一个食，所以直接目标就系个1人餐，唔洗点谂。有汤，咖喱，白饭，薄饼，春卷再加野饮。野食叫左都好快上得，黎先既系个汤。个汤望落好清，实际上都好清，基本上都系蔬菜，饮落好热，好劲姜味。跟住上主菜，咖哩有得拣鸡，羊，牛或者蔬菜。我拣左鸡，肉唔系好多，不过对一个女仔黎讲都好够，虽然我自问自己系比较细食，最后都净返Ｄ饭食唔哂。一黎就食左我想食既薄饼先，薄饼拎上手唔系好热，应该系放凉左，点左落咖哩到放入口就差Ｄ烫亲嘴，不过好好味。我觉得咖哩有Ｄ辣，不过我个人本身都唔食得辣，但系辣得黎几好味，有杯冻野饮完全冇问题。春卷冇咩特别，正正常常，白饭我觉得硬左Ｄ，不过岩中意食野有咬感既人。野饮有得拣汽水，红茶或者冻柠茶，杯冻柠茶都几大杯下。成个餐都系$58，唔洗加1，1个人食完全够哂饱。