Maru Maru 丸々 (太古城星輝台） (已結業)

上次试咗六味屋嘅拉面，今次去隔篱𠮶间Maru Maru 丸々试吓日本菜。两间店嘅风格有啲似，唔知系咪姊妹店。寿喜烧和牛呢个寿喜烧冇配乌冬或者饭，所以如果一个人食份量会唔够。和牛质素唔错，不过寿喜烧汤底略嫌过咸，配菜份量亦唔多。串烧丼有四款串烧，包括牛舌、鸡皮、鸡肉同埋免治鸡肉。牛舌几出色，软腍易咬，鸡肉同免治鸡肉好滑身多汁。鸡皮比较差，烧得唔够干身，唔够脆口。玉子烧估唔到玉子烧最有惊喜，一上枱就闻到好香蛋味，玉子烧好软熟又够厚身。