玉桃軒酒家 (康怡廣場) (已結業)

今日同朋友喺太古食饭，见到有间装修唔错嘅酒家，喺康怡广场入面，而且有优惠重点推介，只需158蚊可以食到北京城片皮鸭，所以就谂住入去试下。 喺晚市呢一个时间，店内人唔算好多，我哋两个人坐咗张四人枱，除咗北京城片皮鸭。我哋仲叫咗镇江醋排骨煲，同吕宋香芒冻布甸做甜品。 过咗十分钟，侍应拎咗只鸭出来，原只未片皮嘅，系我哋面前片皮，仲拎咗其他配料摆喺我哋张枱，喺图度可以见到，包片皮鸭嘅配料有好多啲皮都有好多块，而且鸭嘅份量亦好多，鸭肉好juicy好弹牙，配上配料同啲酱，一流。 只鸭食到一半，镇江醋排骨煲亦都送上，个煲远处送来已经好香，每一旧排骨都好大嚿。煲底有啲洋葱。啲排骨好入味，好弹牙同多汁。 最后叫咗个甜品，香芒布甸，比一般茶楼唔同，呢个布甸系有两条鱼嘅形状，十分有趣，而且香芒味都好浓。