貓廬

营业中

休息中

呢間餐廳以貓貓作為主題，店內嘅擺設及所用嘅餐具都係有貓嘅蹤影！勁可愛！而之前食過味道覺得唔錯，所以今日lunch 再來，同同事吹水食飯～除左日式定食，亦有少量西式定食，我叫左雞扒意粉定食，定食套餐飲，沙律，前菜，小甜品。不過你可以選擇走左前菜同小甜品，咁就可以每樣減1蚊。因為我減肥中，所以都可以走埋佢了😂😂😂😂雞扒煎到非常酥脆，但略嫌煎得乾左少少，可能過左少少火...意粉就應該係蒜蓉炒，炒得非常香口，意粉都夠彈。最後以一杯齋啡埋尾，咖啡正正常常，都飲得出係用比較好少少的豆，應該比較中焙，飲到少少nutty 味。