上海佬餐館 (已結業)

BOOK定位去到唔驶等餐牌太多选择~睇到眼花撩乱，一人餐D野食都唔错㖞，可以食到好多道茶茶要左铁观音~几好饮，饮完阵茶香重停留喺喉咙度镇江肴肉~卖相已经一流，几好味，细细旧易入口。花雕油醉鸡~鸡够滑，酒味香浓。香干马兰头~第一次食觉得好得意，外面果层好似腐皮，夹埋马兰头一齐食，好清。云石豆腐羹~清清地无味精，有蟹肉丝，豆腐丝好滑，几好饮。梅子排骨~酸酸甜甜无咩骨，细细粒啖啖肉~肉香又唔韧。腰果虾仁~清清地，虾仁炒得好爽口，腰果够香。黑松露灌汤小笼包~讲真我食唔到黑松露味，D肉见到一点点黑色，应该就系黑松露喇，味道OK，热辣辣好多汤汁，但无咩特别惊喜。火腿津白~火腿只系点缀，津白够淋身，味道唔太浓，几清几健康。红烧狮子头~肉好淋，一咬就散，肉味清甜。水晶桂花糕~睇外表平平无奇，食落真系惊为天人呀!!!口感唔错~唔软唔硬岩岩好，好清甜，食多几旧都唔会漏。擂沙汤圆~即叫即整，外皮烟韧，里面芝麻好香好浓郁，甜度适中，超好食。