影片
更多
2019-07-31
69 浏览
喺觀塘放工於是約咗朋友喺呢度食飯，平日6:30嚟到，唔使排隊，即刻有得坐。店舖環境舒適，店員有禮，燈光適中，由於唔係好多人，所以店員有我哋隨便揀位坐，呢樣野我好鍾意。每個位都好闊落，枱同枱中間都有好多位，唔會話背脊貼背脊。食物選擇都好多，我哋睇咗一陣間先至揀到食乜嘢，叫咗個店員埋黎先發現原來要自己畫紙仔，但店員都十分有禮貌，主動話幫我地畫。呢度嘅鰻魚飯有分幾種，首先係有唔同嘅鰻魚，但我唔識分，而每一種鰻魚都有分唔同嘅部位，唔同價錢。我呢個係中間價錢嘅，腩位，鰻魚汁好香好夠，鰻魚肉好林好香，啲骨唔會話吉住個口，我覺得唔錯。朋友叫咗個雞扒飯，覺得一般般，正常水準。另外叫咗個炸雞翼，同一般其他日式餐廳食到嘅炸雞翼有少少唔同，呢個嗰個七味粉味好重，都幾得意，可以一試。另外加$18就可以升級做套餐，有麵豉湯，前菜，飲品。食到底原來仲有啲飯焦，不過唔係港式煲仔飯嗰隻，都幾得意。
店舖環境舒適，店員有禮，燈光適中，由於唔係好多人，所以店員有我哋隨便揀位坐，呢樣野我好鍾意。
每個位都好闊落，枱同枱中間都有好多位，唔會話背脊貼背脊。
食物選擇都好多，我哋睇咗一陣間先至揀到食乜嘢，叫咗個店員埋黎先發現原來要自己畫紙仔，但店員都十分有禮貌，主動話幫我地畫。
呢度嘅鰻魚飯有分幾種，首先係有唔同嘅鰻魚，但我唔識分，而每一種鰻魚都有分唔同嘅部位，唔同價錢。我呢個係中間價錢嘅，腩位，鰻魚汁好香好夠，鰻魚肉好林好香，啲骨唔會話吉住個口，我覺得唔錯。朋友叫咗個雞扒飯，覺得一般般，正常水準。
另外叫咗個炸雞翼，同一般其他日式餐廳食到嘅炸雞翼有少少唔同，呢個嗰個七味粉味好重，都幾得意，可以一試。
另外加$18就可以升級做套餐，有麵豉湯，前菜，飲品。
食到底原來仲有啲飯焦，不過唔係港式煲仔飯嗰隻，都幾得意。
张贴
