牛一 (iSQUARE國際廣場) (裝修中)

呢一間放題店位於尖沙咀嘅商場之內，出奇地人流唔算多，而且座位寬敞，令人有一份舒適感。餐廳嘅食品區非常集中，而且全部放喺一啲高身嘅雪櫃內，擺放得整整齊齊，令人十分舒服。加上人流唔多，所以未有排隊攞嘢食嘅情況。今次未有點到最貴嘅放題套餐，但係牛肉嘅質素尚算可以。豬肉雞肉嘅新鮮程度亦都算合理，未有出現太多血水嘅情況。當日即場成為會員送蝦滑，亦都可以自行拎其他唔同嘅配菜，新鮮同埋乾淨程度極度非常理想。最後亦都係飲品可以任拎，有唔同嘅選擇。而雪糕方面亦都提供雪糕同埋乳酪。如果大家着重放題店嘅環境同埋乾淨嘅情況，呢間分店可以話係適合嘅選擇。