我是酸奶君 (已結業)

星期日係屋企附近行街，經過觀塘廣場竟然比我發現多左呢間我是酸奶君！原來已經開到黎觀塘！今日就揀左一杯吃米特濃酸奶（$35）同益生草莓君（$40）。呢度飲品同普通茶飲店好唔同，唔會只有珍珠、奶、茶咁，主打酸奶做底，用紫米做增加口感，中間仲有啲脆脆。吃米特濃酸奶特色就係酸奶特別濃厚，只係比酸奶稀少少，成500毫升，口感滿滿，幾飽肚。益生草莓君就比較似益力多但又無咁甜，上面有打碎既草莓，有700毫升咁多！加士多啤梨同檸檬汁，比較似乳酸飲品。