影片
更多
2019-11-26
4537 浏览
年中总有几次路过北角城市花园，遥望一楼大落地玻璃内灯火通明、食客笑语盈盈既景象，心谂近近地去试下都好㖞。 适逢推出左珍宝巨型美食主题，岩哂最爱龙趸既我，一于收工同朋友黎开餐。晚市自助餐由6点半开始，计岩时间7点左右进场，食住等珍宝巨型美食登场。冷盘有大蚬、青口、蓝青口、翡翠螺、虾、长脚蟹同面包蟹，种类繁多，新鲜干净，尤其欣赏长脚蟹够哂嫩滑鲜甜。鱼生有三文鱼、吞拿鱼、八爪鱼、甜虾等，我最爱既三文鱼够哂肥美有油香，忍唔住拎左几转。坐左一阵就推出左威灵顿牛柳，近入口处冇耐已经开始大排长龙，我都唔执输拎左一份。虽然师傅已经切走头尾，但以我观察牛柳中段都仲保持嫩红，但拎到尾水部分就全熟，所以虽然酥皮酥脆、牛柳尚算嫩滑，对食开五成熟既我黎讲就唔太过瘾，下次要提早出去拎先得。其实熟食区都有牛扒提供，内里仲红红地，反而岩胃口d。说时迟那时快，食到咁上下又推出另一款珍宝巨型美食西班牙海鲜饭，唔想太饱就冇拎到。 但好欣赏每次有新野食都会有职员响铃巡回四周宣布，客人绝对唔会错失良机。 如果想快人一步既话，我统计到星期五晚19:00、19:10同19:15都有新野食，可以事先出门口等候食头啖汤。最后一轮珍宝巨
晚市自助餐由6点半开始，计岩时间7点左右进场，食住等珍宝巨型美食登场。
冷盘有大蚬、青口、蓝青口、翡翠螺、虾、长脚蟹同面包蟹，种类繁多，新鲜干净，尤其欣赏长脚蟹够哂嫩滑鲜甜。
鱼生有三文鱼、吞拿鱼、八爪鱼、甜虾等，我最爱既三文鱼够哂肥美有油香，忍唔住拎左几转。
坐左一阵就推出左威灵顿牛柳，近入口处冇耐已经开始大排长龙，我都唔执输拎左一份。
虽然师傅已经切走头尾，但以我观察牛柳中段都仲保持嫩红，但拎到尾水部分就全熟，所以虽然酥皮酥脆、牛柳尚算嫩滑，对食开五成熟既我黎讲就唔太过瘾，下次要提早出去拎先得。
其实熟食区都有牛扒提供，内里仲红红地，反而岩胃口d。
说时迟那时快，食到咁上下又推出另一款珍宝巨型美食西班牙海鲜饭，唔想太饱就冇拎到。 但好欣赏每次有新野食都会有职员响铃巡回四周宣布，客人绝对唔会错失良机。 如果想快人一步既话，我统计到星期五晚19:00、19:10同19:15都有新野食，可以事先出门口等候食头啖汤。
最后一轮珍宝巨型美食系19:15推出既大笼蒸龙趸。 平时食饭见有龙趸我都必叫，所以特意叫师傅俾多几件，果然冇失望。 龙趸有返咁上下斤数，所以有鱼味得黎好弹牙，鱼皮啖啖骨胶原，大笼内亦蒸得岩岩好，好滑又有肉汁。 最意想不到系作为伴菜既菜心可能吸左鱼汁，时间又控制得好，居然腍滑鲜美，想像唔到咁好食。
熟食讲真选择唔算多，行贵精不贵多路线，红酒烩牛肉、酥炸生蚝、辣酒煮海螺等等都系有诚意既菜式。
海鲜类熟食以笼仔蒸带子同清蒸鲈鱼最为吸引眼球，要赞下大堆头份量十足，蒸得嫩滑岩岩好，鲜味不过不失。
反而烧味有少少惊喜，炸子鸡、豉油鸡、叉烧呢d普通野都系为左饱肚而夹，估唔到叉烧真系甘香酥脆，甜香味美，必试。
烧烤方面，各款串烧同想像中差距不大，值得一赞羊架烧起新鲜热辣，仅仅熟又有羊味，钟意羊既一定会encore，属全晚最高质既肉食。
汤品有沙参玉竹山斑鱼排骨汤，炖汤将所有汤料精华锁住，自助餐饮到啖老火汤真心感动，即时养颜青春哂。
甜品有埋爆谷同鸡蛋仔实属旱见，未算最脆口，过下口瘾都合格啦。
重头戏一定系多款口味既哈根大师，朱古力味同培茶味冇得输，为今晚画下圆满句号。
张贴
